Am vergangänä Wuchäendi hemmer nu mal alles gäh und hend diä Chlewä grockt. Trotz schlächtem Wätter händs miär iis nid lah näh und händ mit dä Beggos, dä Hüdä Hädä und dä Ryyssboodäfääger diä Panoramabar so richtig ihgheizt. D‘ Foteli drzio gfindsch hiä.

A derä Stell wänd miär vo dä Dossäbängäler nu mal a allnä Dankä sägä fiir diä genial Fasnacht! Unglaublich wie viel tolli Momänt miär händ döffä erläbä. Es isch oi immer wieder schön so viel und positivs Feedback zu iisnä Gwändli, Motto, Grindä etc. z’übercho. 🙂

Miär sind immer wieder uf Hilf vo Externä ahgwissä und wiissid das sehr z’schetzä! Mitem Hälfer- & Gönnerässä am 24. März 2018 tiänd miär a denä Dankä sägä.

Fiir iis lutet s’Motto ez „Nach dä Fasnacht isch vor dä Fasnacht“.  Aktuell simmer scho am neui Liäder und amene Motto fiir diä nechscht Fasnacht am suächä, GV und Hälfer- & Gönnerässä am vorbereitä und und und – iis gad d’Arbet nid uis & miär hend fascht s ganzi Jahr d‘ Guggä und d’Fasnacht um d‘ Ohrä 😉

D‘ Fasnacht 2018 isch fiir diä Meischtä scho Vergangäheit. Nid so für iis Dossäbängäler. Miär döfid am 17. Februar im Skigebiät Chlewäalp nu mal iisi Instrumänt füränäh und iisi griänä Waidmannsheil Gwändli ahleggä.

Iisi Uftrittszitä:

11.30 Uhr bim Berggasthuis Panorama
12.30 Uhr bim Bergrestaurant Alpstubli
15.30 Uhr bi dr PANORAMAschneebar

16.45 Uhr Monsterkonzärt bi dr PANORAMAschneebar

Alli Infos zu dr Chlewäfasnacht gfindsch hiä.

Chum doch oi – miär friäid iis uf iich!

Dä Dossäbängälerball 2018 isch Gschicht. Dank üsne flissige Hälfer vorallem de #Felsächlopfer simer scho friä fertig mit ufruime xi.
Danke allne Hälfer, Sponsore, Gönner, Awohner, Gugge und allne wo das Fäst zum ne Erfolg gmacht hend.

Am Samschtig simmer nu bi de Escheschränzer z Gascht und de startemer oi scho am Schmudo gmeinsam id Fasnachtswuchä.

Miär fräid iis iich a dr Fasnacht ahzträffä! 🙂