Infos – wichtigs Ziigs zum merkä

Dä legendäri Dossäbängälerball stahd wieder vor dä Tiirä. Är findet das Jahr underem Motto „Märliwält“ am 16. Februar statt.

Vom 11i bis am 4i ladid miär diä chlinä Gäst zu ys ii. Midem Gumpischloss, Chinderschminkä und bim mitmachä bi verschiedenii Spieli hets fir jedes Chind epis debiä. Abem 6i gids wie jedes Jahr s’Monsterkonzärt ufem Dorfplatz und am halbi 8i gahds de mim Ball so richitg los.

Ai s’Guggäbattle daf nid fählä. Das Jahr defid miär folgendi Guggänä bi ys willkommä heissä:

Beromüügger, Beromünster
Chällerrattä, Näfels
Chieferschüttler, Giswil
Dickler Gugge, Dicken
Hummelzunft, Arth
Hürntalschränzer, Buchs/ Uffikon
Izipanizis, Sachslä
Jungschränzer, Äschlismatt
Rohrspatzen, Thal
Sarner Gugger, Sarnä
Seegusler, Alpnach
Stiereschränzer, Urdorf
Stollägusler, Sachslä
Urmi-Schlegel, Seewen

I dä Bars sorgt dä DJ Laban, dä DJ 99, dä DJ ANS3R fir guäti Stimmig und i dä Chelibuidä gherd mä s’Ländlertrio Britschgi wo fir urchigi Unterhaltig sorgt.